عايز تعرف انت مصري و لا لأ ؟
بسيطة ..
لو انت مصري يبقى أكيد
"stupid" بدل " estubid" بتقول
اهلك بيفتخروا بيك طول الوقت حتى لو كنت فعلا مش كويس
بتاكل فول أو طعمية أو بطاطس 4 مرات في الاسبوع ع الاقل
بتعمل انك واد شيك و ممكن تدفع 20 جنيه في جراج الشيراتون وانت من جواك بتتقطع
كان عندك وانت صغير انسيال دهب مكتوب عليه اسمك
بتلعب أو عندك أو لعبت طبلة قبل كده ... ولو ماحصلش يبقى عندك واحد صاحبك يعرف
بتروح قهوة مع صحابك بالليل و غالبا بتشيش تفاح
ماعندكش أي مشاكل تلعب طرنيب أو بلاي ستيشن لحد الساعة 7 الصبح
اسمك زي اسم جدك ... ولو ماكانش يبقى أكيد في في اسمك أحمد أومحمد
لو واحد ضايقك في الشارع ممكن تشتمه بكلاكس العربية
أكلتك المفضلة هي ورق العنب
عندك ثقة أكيدة في المنتخب المصري وانه احسن فريق في العالم و متأكد أنه ممكن يكسب البرازيل لو جات له الفرصه
انت أهلاوي أو زمالكاوي
بالاضافة لكونك أهلاوي أو زمالكاوي
انت بتشجع مانشستر, يونايتد,أو برشلونة ,أو يوفنتوس
ممكن تسمع عمرودياب 24 ساعة في اليوم
في حالة الرقص حكيم هو الوحيد اللي ممكن يخليك تتنطط لماتسمعه
مامتك وباباك بيحبوا عبدالحليم و أم كلثوم
في حالة ماتشات الكورة المعلق بيأكد طول الماتش ان الحارس مايقدرش يمسك الكورة بايده لو رجعت من المدافع
يبقى انت أكييييد المصري
يمنى
الأربعاء يناير 16, 2008 2:24 pm
